95 ரூபாய் முதலீடு... 14 லட்சம் வருமானம்... போஸ்ட் ஆபீஸ் திட்டம்!

 With 95 Rupees Daily Investment You Can Get 14 Lakh Rupees In 20 Years

கொரோனா வந்தபிறகு மக்கள் அனைவருக்கும் சேமிப்பின் முக்கியத்துவம் தெரியவந்துள்ளது. திடீரென ஏற்படும் நிதி நெருக்கடியைச் சமாளிக்க கைவசம் சேமிப்புப் பணம் இருந்தால் பெரிதும் உதவும். நீங்கள் பணத்தைச் சேமிக்க தபால் நிலையங்கள் சிறந்த தேர்வாக இருக்கும். இந்தியத் தபால் துறையானது பொதுமக்களின் சேமிப்புப் பழக்கத்தினை ஊக்குவிக்க பல்வேறு திட்டங்களைச் செயல்படுத்தி வருகிறது. அதில் மிக முக்கியமான ஒரு திட்டம்தான் கிராம் சுமங்கல் கிராமின் யோஜனா.

இத்திட்டம் கிராமப்புற மக்களுக்காகவே உருவாக்கப்பட்டு சிறப்புத் திட்டமாகும். இத்திட்டத்தின் கீழ் ஆறு பிரிவுகளாக காப்பீடு வழங்கப்படுகிறது. 19 வயது முதல் இத்திட்டத்தில் இணையலாம். அதிகபட்ச வயது வரம்பு 45 ஆண்டுகள் ஆகும். 20 ஆண்டுகளில் ரூ.7 லட்சம் காப்பீடு கிடைக்க வேண்டுமென்றால் நீங்கள் மாதத்துக்கு 2,853 ரூபாய் பிரீமியம் செலுத்த வேண்டும். அதாவது ஒரு நாளைக்கு 95 ரூபாய். 15 வருட பாலிசியில் 6 மாதம், 9 மாதம், 12 மாதம் என 20 சதவீத கேஷ் பேக் கிடைக்கும். ஒருவேளை 20 வருட பாலிசியைத் தேர்வுசெய்தால் 8,12,16 மாதங்களில் கிடைக்கும்.

உங்களது 25ஆவது வயதில் 20 ஆண்டு முதிர்வு கொண்ட பாலியை எடுத்தால் 20 ஆண்டுகளில் உங்களால் ரூ.14 லட்சம் சம்பாதிக்க முடியும். இத்திட்டத்தில் இணைந்த பாலிசிதாரர் ஒருவேளை முதிர்வு காலத்துக்கு முன்னரே இறந்துவிட்டால் அவரது நாமினிக்கு உறுதித் தொகையும் போனஸ் தொகையும் வழங்கப்படும்.