வயசான தோற்றம் சில வருஷம் தள்ளி போகணுமா ? ஆரஞ்சு பொடி யூஸ் பண்ணுங்க ஆண்களும் தாங்க!

முகப்பராமரிப்புக்கு ஏன் ஆரஞ்சு பொடி பயன்படுத்தணும்னு தெரிஞ்சுக்கலாமா?

 Benefits Of Orange Peel Powder To Get Marvelous Skin

ஆரஞ்சு பழங்களில் வைட்டமின் சி, கால்சியம், தயாமின், ஃபோலேட் மற்றும் பொட்டாசியம் போன்றவை உள்ளது. இது சருமத்தின் அழகை மேலும் பிரகாசமாக்க செய்கிறது. ஆரஞ்சு பழங்களை காட்டிலும் ஆரஞ்சு தோல்களில் வைட்டமின் சி உள்ளடக்கம் அதிகமாக உள்ளது. இது சரும ஆரோக்கியத்துக்கு மிக இன்றியமையாதது.

சருமங்கள் சூரிய கதிர்களால் அடையும் சேதத்தை தடுத்து சருமத்தை பாதுகாக்க உதவுகிறது. ஆரஞ்சு தோலில் இருக்கும் கால்சியம் சருமத்தின் செல்களை புதுப்பிக்க உதவுகிறது. ஆரஞ்சு பொடியின் நன்மைகளை சருமம் முழுமையாக பெற என்ன செய்யலாம். தெரிந்துகொள்வோம். ஆரஞ்சு பொடி தயாரிப்பு குறித்து தனியாக பார்க்கலாம். இப்போது எப்படி எதற்கு பயன்படுத்துவது என்று பார்க்கலாம்.

 BUY ORANGE POWDER 

என்னதான் சருமம் பளபளப்பாக அழகாக இருந்தாலும் அதை மேலும் பிரகாசமாக்க பொலிவாக்க ஆரஞ்சு பவுடர் உதவும். அதிலும் உங்கள் சருமம் மந்தமாக இருந்தால் நீங்கள் ஆரஞ்சு பவுடரை மட்டுமே கொண்டு சருமத்தை பளபளப்பாக்கலாம்.

என்ன செய்யலாம்.

ஆரஞ்சு பவுடர் - 2 டீஸ்பூன்

தேன் - 1 டீஸ்பூன்

எலுனிச்சை சாறு - இரண்டு சொட்டுகள்

ஆரஞ்சு பவுடரை தேன் மற்றும் எலுமிச்சை சாறு சேர்த்து நன்றாக கலக்கவும். எல்லாம் சேர்ந்து பேஸ்ட் பதத்துக்கு வந்ததும் முகம் முழுக்க தடவி 30 நிமிடங்கள் கழித்து முகத்தை குளிர்ந்த நீரில் கழுவி விட வேண்டும். நான்கு முறை செய்தாலே உங்கள் சருமத்தின் பளபளப்பை கண்டு ஆச்சரியப்படுவீர்கள்.

​டல்லான சருமத்துக்கு ஆரஞ்சு பவுடர் பேக்

இந்த டல் சருமம் என்பது மந்தமான சருமத்திலிருந்து வேறுபட்டுள்ளது. சருமத்தில் கொலாஜன் உற்பத்தி குறையும் போது உண்டாகும் இந்த டல் சருமத்துக்கு என்ன மேக் அப் செய்தாலும் என்ன பராமரிப்பு செய்தாலும் எல்லாமே தற்காலிகமாக இருக்கும். அவர்களுக்கு இந்த பேக் உதவும்.

என்ன செய்யலாம்

ஆரஞ்சு பவுடர் - 1 டீஸ்பூன்

ரோஜா இதழ் பொடி - 1 டீஸ்பூன்

காய்ச்சாத பால்- 3 டீஸ்பூன்

மூன்றையும் நன்றாக கலந்து பேஸ்ட் பதத்துக்கு குழைத்து முகம் முழுக்க தடவவும். பிறகு 20 நிமிடங்கள் கழித்து முகத்தை குளிர்ந்த நீரில் கழுவி விடவும். இந்த ரோஜா மற்றூம் ஆரஞ்சு இரண்டுமே வைட்டமின் சி நிறைந்தவை என்பதால் இது டல் சருமத்தை போக்குகிறது.

குறிப்பாக இதற்கு காரணமானகொலாஜன் உற்பத்தியை அதிகரிக்க செய்கிறது, சருமத்துக்கு நெகிழ்ச்சித்தன்மையையும் புத்துணர்ச்சியையும் இவை தருகிறது. இதை தினமும் அல்லது வாரத்துக்கு மூன்று நாட்கள் வரை பயன்படுத்தலாம்.

சரும சுத்தத்துக்கு ஆரஞ்சு பவுடர் பேக்

சருமத்தில் தேங்கியிருக்கும் அழுக்கையும் இறந்த செல்களையும் வெளியேற்றி சருமத்தை சுத்தம் செய்வது அவசியம்.இதற்கும் ஆரஞ்சு பவுடர் உதவுகிறது.

என்ன செய்யலாம்

ஆரஞ்சு பொடி - 1 டீஸ்பூன்

அரிசி மாவு - 1 டீஸ்பூன்

காய்ச்சாத பால் - 3 டீஸ்பூன்

மஞ்சள் - சிட்டிகை

முதலில் ஆரஞ்சு பொடியுடன் அரிசி மாவை நன்றாக கலக்கவும். மஞ்சள் தூள் சேர்க்கவும். பிறகு காய்ச்சாத பால் சேர்த்து நன்றாக குழைக்கவும். இதை முகத்தில் வட்ட வடிவில் மசாஜ் போல் தடவி விடவும். 30 நிமிடங்கள் கழித்து குளிர்ந்த நீரில் முகத்தை கழுவ வேண்டும். வாரம் இரண்டு முறை செய்யலாம். உங்கள் முக அழுக்கு வெளியேறுவதை கண்டால் அவைமுழுவதும் சரியாகும் வரை தினசரி செய்யலாம்.

பிளாக் ஹெட்ஸ் நீங்க ஆரஞ்சு பவுடர்

முகத்தில் கருப்பு மற்றூம் பிளாக்ஹெட்ஸ் பிரச்சனையும் அடிக்கடி சந்திப்பதுண்டு. இதற்கு ஆரஞ்சு பொடியை எப்படி பயன்படுத்துவது என்று பார்க்கலாம்.

என்ன செய்யலாம்

ஆரஞ்சு பவுடர் - 1டீஸ்பூன்

முல்தானி மிட்டி- 1 டீஸ்பூன்

பன்னீர் - தேவைக்கேற்ப

முல்தானி மிட்டியுடன் நன்றாக சேரும் வரை ஆரஞ்சு பொடியை கலக்கவும். பிறகு பன்னீரை சேர்த்து குழைக்கவும். கட்டிகள் சிறிதும் இருக்க கூடாது. பிறகுசருமத்தில் எங்கெல்லாம் பிளாக்ஹெட்ஸ் மற்றும் ஒயிட் ஹெட்ஸ் இருக்கும் இடங்களில் தடவி விட வேண்டும். பிறகு 30 நிமிடங்கள் கழித்து முகத்தை மந்தமான நீரில் கழுவி விடவும்.

குறிப்பு இந்த பேக் போடும் போது நீங்கள் செய்ய வேண்டிய முக்கியமானது உங்கள் சரும துளைகளை வெதுவெதுப்பான நீரில் கழுவி எடுக்க வேண்டும். அப்போதுதான் பேக் சரும துளைகள் வரை ஊடுருவி செல்ல முடியும்.

முகப்பரு வடுக்கள் போக ஆரஞ்சு பவுடர்

முகப்பருவால் வரும் வடுக்களை போக்கவும் முகத்தில் இருக்கும் கறைகள் போக்கவும் கருமையை போக்கவும் ஆரஞ்சு பவுடர் பயன்படுகிறது.

என்ன செய்யலாம்

ஆரஞ்சு பவுடர் - 2 டீஸ்பூன்

ஆலிவ் எண்ணெய்- தேவைக்கேற்ப

ஆரஞ்சு பவுடருடன் ஆலிவ் எண்ணெய் சேர்த்து நன்றாக பேஸ்ட் பதத்துக்கு குழைக்கவும். இதை முகம் முழுக்க பயன்படுத்த வேண்டியதில்லை. எங்கெல்லாம் முகப்பருக்கள் வடு இருக்கிறதோ அங்கு மட்டும் தடவி விட வேண்டும். இது 20 நிமிடங்கள் வரை முகத்தில் ஊறவிட்டு பிறகு பிறகு முகத்தை கழுவவும். இது முகப்பரு வடுக்களை போக்கி சருமத்தை ஒளிர செய்கிறது.

ஆரஞ்சு பவுடர் நன்மைகள்

ஆரஞ்சு தோலில் உள்ள ஆக்ஸிஜனேற்றம் சருமத்தில் கொலாஜன் உற்பத்தி மற்றூம் சருமம் தளராமல் இருக்க எலாஸ்டின் உற்பத்திக்கும் உதவுவதால் வயதான தோற்றத்தை நீண்ட நாள் தள்ளிப்போட செய்கிறது. இதனால் சரும சுருக்கங்கள், ஃப்ரீ ரேடிக்கல்கள் உண்டாகாமல் தடுக்கப்படுகிறது.

மற்ற எதையும் விட ஆரஞ்சு பொடியை பயன்படுத்தும் போது அது சருமத்தை இளமையாகவே வைத்திருக்க உதவுகீறது. மேலும் இதில் இருக்கும் பொட்டாசியம் சருமத்தை ஈரப்பதமாக வைத்திருக்க உதவுகிறது. சருமம் ஆரோக்கியமாக இருக்க ஈரப்பதமும் மிகவும் அவசியம். இத்தனை அற்புதம் செய்யும் ஆரஞ்சு பொடியை வீட்டில் தயாரித்து பயன்படுத்தினால் பலனும் இரட்டிப்பு மடங்காக கிடைக்குமே என்கிறீர்களா? உண்மை தான். இது குறித்தும் தனியாக பார்க்கலாம்.

orange facial,orange facial at home,facial at home,orange facial for skin whitening,homemade orange facial for instant glow,facial,orange face pack,how to do orange facial at home,orange facial at home in tamil,orange,orange facial for glowing skin,face pack with orange peel off,home facial,orange fruit facial,3 steps orange facial,orange facial at homr,orange peel facial,orange facial in hindi,orange facial in tamil,orange juice,homemade orange facial,100 taka for orange facial